Dəriyə qulluq edərkən tez-tez qarşılaşdığın, amma bəlkə də tam olaraq nə olduğunu bilmədiyin bir anlayışla başlayaq: Komedogen. Bu söz ilk baxışda bir az mürəkkəb görünsə də, əslində çox sadə bir şeyi ifadə edir. Bu termin məsamələri tıxayan tərkibləri təsvir edir və dərinin hamar görünüşünü qorumaq, komedon yaranmasının qarşısını almaq üçün diqqət etməli olduğun ən vacib detallardan biridir! Komedogen tərkiblər nədir, dərin üçün niyə əhəmiyyətlidir və düzgün seçimləri necə edə bilərsən? Bu yazıda bütün suallarının cavabını tapacaqsan!
Komedogen nə deməkdir?
Komedogen bir məhsulun dəridəki məsamələri tıxamaq potensialına malik olduğunu bildirir. Səhər dərini gözəl şəkildə təmizləyirsən, nəmləndiricini çəkirsən, amma istifadə etdiyin məhsulların tərkibləri məsamələrini tıxayaraq komedon və ya sızanaq kimi kiçik “dəvət edilməmiş qonaqlara” səbəb olur. Məhz buna görə, komedogen olmayan, yəni məsamələrə dost olan məhsulları seçmək çox önəmlidir.
Komedogen məhsullar dəriyə necə təsir edir?
Komedogen tərkiblərin təsirləri, xüsusilə həssas və ya sızanağa meyilli dəriniz varsa, problemlər yarada bilər:
- Məsamələrin tıxanması: Dərinin yağları ilə qarışan komedogen maddələr məsamələri tıxayaraq qara nöqtə və ya ağ nöqtələrin yaranmasına səbəb ola bilər.
- Sızanaq yaranması: Tıxanmış məsamələrdə bakteriyaların çoxalması sızanaq yaranmasını sürətləndirə bilər.
- Sebum artımı: Komedogen məhsullar dəriyə daha çox yağ ifraz etməyə səbəb olaraq, üzündə istəmədiyin parlaqlığa səbəb ola bilər.
Komedogen olmayan məhsulları necə seçməliyik?
Dərinin sağlamlığı üçün bu məqamları nəzərə almalısan:
- Etiketləri oxu: Üzərində "non-comedogenic" yazılan məhsulları seçə bilərsən.
- Tərkibi yoxla: Xüsusilə hindistan qozu yağı, lanolin, bəzi silikonlar və mineral yağ kimi maddələr komedogen ola bilər. Bu maddələrdən istifadə etməzdən əvvəl iki dəfə düşünməlisən.
- Sınaq və yanılma: Hər kəsin dərisi fərqlidir. Bir məhsul başqasında mükəmməl nəticə verə bilərkən, səndə əks təsir göstərə bilər. Səbirli ol və dərinə qulaq as!
Sızanağa meyilli dərilər üçün non-comedogenic tövsiyələr
Əgər dəriniz sızanağa meyillidirsə, dəriyə qulluq rutinini aşağıdakı məsləhətlərə uyğun olaraq qura bilərsən:
Yüngül nəmləndiricilərdən istifadə et
Dərini nəmsiz buraxma, amma ağır tərkibli, komedogen məhsullardan uzaq dur. Komedogen olmayan nəmləndiricilər dərinin nəm balansını qorumağa kömək edərkən məsamələri tıxamır. Məsələn, su əsaslı nəmləndiricilər əla seçim ola bilər. Bu cür məhsullar daha yüngül olur və sızanağa meyilli dərilər üçün uyğundur. Bunun üçün sənə tövsiyəmiz Farmstay Tea Tree Biome Calming Water Cream, tərkibindəki çay ağacı ekstraktının antibakterial xüsusiyyəti ilə dərini nəmləndirir və yumşaldır.
Müntəzəm təmizlik
Səhər və axşam dərini komedogen olmayan tərkiblərlə təmizləyərək məsamələrə nəfəs aldırmalısan. İkiqat təmizləmə (double-cleansing) üsulundan istifadə edərək əvvəlcə yağ əsaslı təmizləyici ilə makiyaj və qalıqları təmizləməli, sonra su əsaslı təmizləyici ilə dərindən təmizlik etməlisən.
Pilinq etməyi unutma
Həftədə bir-iki dəfə salisilik turşusu olan məhsullarla ölü hüceyrələri təmizləmək dərinin daha canlı görünməsinə kömək edəcək.
Komedogen tərkiblərdən uzaq duraraq məsamə dostu məhsullarla mükəmməl bir dəriyə qulluq rutini yarada bilərsən. Dəriyə qulluq rutini üçün uyğun məhsullara Instagram səhifəmizdən baxa bilərsən :)
